उंडवडी, ता. २२ : बऱ्हाणपूर (ता. बारामती) येथील डेलोनिक्स सोसायटीचे बारामती कॉलेज ऑफ फार्मसी महाविद्यालयातील विद्यार्थ्यांनी नुकत्याच झालेल्या वार्षिक एमएसबीटीई बोर्ड परीक्षेत उल्लेखनीय यश संपादन केले आहे. यावर्षी द्वितीय वर्ष डिप्लोमा इन फार्मसीचा निकाल ९६ टक्के लागला असून प्रथम वर्ष डिप्लोमाचा निकाल ७० टक्के लागला आहे. अशी माहिती प्राचार्य डॉ. राजेंद्र पाटील यांनी दिली.
महाराष्ट्र राज्य तंत्रशिक्षण मुंबई मंडळाकडून एप्रिल - मे महिन्यात घेण्यात आलेल्या डिप्लोमा फार्मसी परीक्षेचा निकाला मध्ये प्रमुख गुणानुक्रमे फडे स्वागता शीतल हिने ८६.३६ टक्के गुण मिळवत प्रथम क्रमांक, शेळके वैष्णवी नितीन हिने ८३.६४ टक्के गुण मिळवत द्वितीय क्रमांक, तर नागवडे प्रिया विलास हिने ८२.३६ टक्के गुण मिळवत तृतीय क्रमांक पटकाविला.
तसेच प्रथम वर्षाचा निकाला मध्ये मासाळ हर्षदा बबन हिने ८४.१० टक्के गुण मिळवत प्रथम क्रमांक, भांडवलकर अमृता सचिन हिने ८२.२० टक्के गुण मिळवत द्वितीय क्रमांक, तर जाधव वृषाली महेंद्र हिने ८०.८० टक्के गुण मिळवत तृतीय क्रमांक पटकाविला आहे.
यशस्वी विद्यार्थ्यांचे प्राचार्य डॉ. राजेंद्र पाटील, उपप्राचार्य डॉ. धनंजय घोडके व हेड ऑफ डिपार्टमेंट डॉ कविता माने यांनी कौतुक केले. विद्यार्थ्यांना प्रा. ऋतुजा जगताप, प्रा. प्रशांत घोडे, प्रा. अभिजित शितोळे, प्रा. नीता शिंगाडे, प्रा. आरती देसाई आणि प्रा. सई ढवाण यांनी मार्गदर्शन केले.