उरुळी कांचन, ता. २१ : उरुळी कांचन पोलिस ठाण्याच्या हद्दीत वाहतूक नियमांचे उल्लंघन करणाऱ्या वाहनचालकांविरोधात विशेष मोहीम राबविण्यात आली. या मोहिमेत तब्बल ४१ वाहने जप्त करण्यात आली. संबंधित वाहन चालकांकडून आवश्यक कागदपत्रांची तपासणी करून पुढील कायदेशीर कारवाई सुरू आहे. नंबर प्लेट, वाहन परवाना व इतर आवश्यक कागदपत्रे नसलेल्या वाहनचालकांवर, तसेच सायलेंसरमध्ये अत्याधिक आवाज करणाऱ्या बुलेट मोटरसायकलीवर पोलिसांनी कारवाई केली आहे. यावेळी नियमबाह्य १० सायलेंसर नष्ट केले आहेत. ही मोहीम वरिष्ठ पोलिस निरीक्षक शंकर पाटील यांच्या मार्गदर्शनाखाली पार पडली.