वडापुरी, ता. २१ : दिवाळी या महत्त्वाच्या सणाला लक्ष्मीपूजन करण्यासाठी ग्रामीण भागात केरसुणी खरेदी करण्यासाठी नागरिकांची मोठी गर्दी होत असल्याचे पाहावयास मिळत आहे.
घरात रोज सकाळी व संध्याकाळी घर साफसफाई करणारी केरसुणी लक्ष्मीपूजनादिवशी महत्त्वाची मानले जाते त्यामुळे या केरसुणीला दिवाळीत मोठा मान व मोठी मागणी असते, यावेळी वडापुरी येथील नारायण पवार म्हणाले की, लक्ष्मीपूजनासाठी केरसुणीचा मान पूर्वजांपासून चालत आलेला आहे. दीपावली सणांमध्ये लक्ष्मीपूजनाला केरसुणीला लक्ष्मी म्हणून महत्त्व असल्याने प्रत्येक जण नवीन केरसुणी खरेदी करून त्याचे लक्ष्मीपूजन करत असल्याचे सांगितले.
यावेळी वडापुरी येथील केरसुणी विक्रेते रंजना सर्जेराव पासगे यांनी सांगितले की, गेल्या वर्षी केरसुणीचे भाव हे ५० ते ७० रुपयापर्यंत होते, मात्र या वर्षी केरसुणी बनविण्यासाठी लागणारा कच्चामाल कमी प्रमाणात आहे, तसेच केरसुणी बनवण्यासाठी लागणारी मजुरीचा विचार करता या वर्षी ९० ते १०० रुपयांपर्यंत केरसुणी विकली गेली असल्याचे सांगितले.

‘‘भारतीय संस्कृतीमध्ये केरसुणी अर्थातच त्या दिवशीची लक्ष्मी म्हणून महत्त्व आहे, असे मानले जाते. त्यामुळे दिवाळीच्या सणाला नवीन केरसुणी खरेदी करून लक्ष्मीपूजनादिवशी केरसुणीचे पूजन केले जाते,’’ असे घनश्याम (गुरुजी) देवकर यांनी सांगितले.