वडापुरी, ता. २४ : वडापुरी (ता. इंदापूर) येथील खंडोबा देवस्थानच्या वतीने खंडोबा यात्रा आणि जीर्णोद्धार महोत्सवाचे आयोजन करण्यात आले आहे.
मार्तंड भैरव चंपाषष्ठी उत्सवानिमित्त कुलदैवत खंडोबा देवाची यात्रा साजरी केली जात असून हे २५ वे वर्ष आहे. मार्तंडभैरव चंपाषष्ठी उत्सवानिमित्त मंगळवारी (ता. २५) सायंकाळी सात वाजता देवांची हळदी, लग्न बुधवारी (ता. २६) होणार आहे. श्रींचा अभिषेक, महापूजा सायंश्रींची पालखीतून मिरवणूक, श्रींचा महाप्रसाद, वाघे मंडळ पार्टी जागरण, लंगर तोडणे असे कार्यक्रम होणार आहेत. इंदापूर तालुक्यासह राज्यातील भाविकांनी याचा लाभ घेण्याचे आवाहन ग्रामस्थ आणि देवस्थान ट्रस्टतर्फे करण्यात आले आहे.