वाल्हे : वाल्हे (ता.पुरंदर) येथील परिसरामध्ये शासकीय, निमशासकीय शाळा, विद्यालयांच्यावतीने योग दिन साजरा करण्यात आला. यावेळी महर्षी वाल्मीकी विद्यालयामध्ये ‘योगा’ची मानवी प्रतिकृती तयार करून ‘योग उत्सव’ रेखाटून त्या सभोवती विद्यार्थ्यांसह शिक्षकांनी सामूहिक ध्यानधारणा, प्राणायाम, सूर्यनमस्कार आदी योगासने करून योगाचे महत्त्व पटवून दिले असल्याचे प्राचार्य सतीश निगडे यांनी सांगितले.
महर्षी वाल्मीकी विद्यालयामध्ये निगडे व पर्यवेक्षक नाजनीन अत्तार यांच्या मार्गदर्शनाखाली ''योग उत्सव'' साजरा करण्यात आला. यामध्ये ‘योगा’ची मानवी प्रतिकृती तयार पाचवी ते दहावीपर्यंतच्या जवळपास ५७५ विद्यार्थ्यांसह शिक्षकांनी एक तासभर सामुहूक योगासने करण्यात आली. या योग प्रात्यक्षिकेला विद्यार्थ्यांनी उस्फूर्त प्रतिसाद दिला.
गतिमान युगात शरीर व मन निरोगी ठेवण्यासाठी योगासने व प्राणायाम यांना खूप महत्त्व असून प्रत्येकाने नियमितपणे योगासने करायला हवीत, असे सरपंच अतुल गायकवाड यांनी सांगितले.
सहशिक्षक सुदाम गायकवाड यांनी प्रात्यक्षिके दाखविली. विद्यालयातील अतुल गायकवाड, संदीप जाधव, गीतांजली मोरे, शैला गवारी, लक्ष्मण भालसिंग, बाळासाहेब घोडके, संतोष जगदाळे, अनिल दुर्गाडे, सुनील ढवळे, कीर्ती लंभाते, डिंबळे प्रियांका, संगीता पाटील, सोनाली पाटील, नवनाथ शिंदे, बयाजी घायगुडे आदि शिक्षकांनी योग उत्सवामध्ये प्रत्यक्षरीत्या सहभाग घेतला. 04716