वाल्हे, ता. १ : साहित्य क्षेत्रातील अभ्यासू आणि समप्रित कार्यामुळे ओळख निर्माण करणारे ‘सकाळ’चे बातमीदार दत्ता भोंगळे यांची आखिल
भारतीय मराठी साहित्य परिषदेच्या महाराष्ट्र प्रदेश उपाध्यक्षपदी तर महाराष्ट्र प्रदेश सरचिटणीसपदी पुणे जिल्हा पत्रकार संघाचे जिल्हा अध्यक्ष सुनील
लोणकर यांची निवड करण्यात आली.

सासवड (ता.पुरंदर) येथे सोमवारी (ता. २८) झालेल्या विशेष कार्यक्रमात ही निवड जाहीर करण्यात आली. यावेळी अखिल भारतीय मराठी साहित्य
परिषदेचे राष्ट्रीय अध्यक्ष डॉ. शरद गोरे यांच्या हस्ते भोंगळे व लोणकर यांना नियुक्तीपत्र प्रदान करण्यात आले. याप्रसंगी साहित्य परिषदेचे महाराष्ट्र प्रदेश संघटक सचिव अमोल कुंभार, कवी शरद पाडसे, सूत्रसंचालक माऊली घारे, राष्ट्रवादी काँग्रेसचे हेमंत टिळेकर, पुणे जिल्हा शिक्षक समितीचे सरचिटणीस संदीप जगताप, पुरंदर तालुका शिक्षक समितीचे अध्यक्ष सुनील कुंजीर, प्रकाश जगताप, मनोज सटाले, राजेंद्र ताम्हाणे, मुकेश घारे उपस्थित होते.

04981, 04982