वाल्हे, ता. २७ : पंतप्रधान नरेंद्र मोदी यांच्या वाढदिवसानिमित्त सुरू असलेल्या सेवा पंधरवड्याच्या निमित्ताने नीरा (ता. पुरंदर) येथे गुरूवारी (ता. २५) आयोजित केलेल्या ‘नमो नेत्र संजीवनी’ आरोग्य अभियानात ३११ जणांची नेत्र तपासणी, १७४ जणांची रक्त तपासणी व ११० जणांची एकूण आरोग्य तपासणी करण्यात आली. या उपक्रमात नेत्रतपासणी, रक्त तपासण्या, मधुमेह व थायरॉईड तपासणी, तसेच मोफत चष्मेवाटप करण्यात आले. गरजू रुग्णांसाठी मोफत मोतीबिंदू शस्त्रक्रियेची सुविधाही उपलब्ध करून देण्यात आली आहे
या शिबिराचे उद्‍घाटन माजी आमदार संजय जगताप व जिल्हाध्यक्ष शेखर वढणे यांच्या हस्ते करण्यात आले. याप्रसंगी भाजपचे ओबीसी मोर्चाचे प्रदेश उपाध्यक्ष सचिन लंबाते, सरपंच तेजश्री काकडे, उपसरपंच राजेश काकडे, पुणे जिल्हा सरचिटणीस गंगाराम जगदाळे, वैद्यकिय आघाडीचे जिल्हाध्यक्ष डॉ. सुमित काकडे, तालुकाध्यक्ष संजय निगडे, संभाजी काळाणे, किसान मोर्चा अध्यक्ष दिग्विजय काकडे, योगेंद्र माने, अनिल चव्हाण, विजय शिंदे, सुदाम बंडगर, रमणिक काठोडिया,उमेश चव्हाण, अनंता शिंदे, लाला तांबे, अनंता शिंदे, कल्याण जेधे, चंदरराव धायगुडे आदी उपस्थित होते.
अभियानामध्ये विश्वनिरंजन नेत्रालय, आनंदी मल्टीस्पेशालिस्ट हॉस्पीटल व प्राथमिक आरोग्य केंद्र नीरा यांचे विशेष सहकार्य लाभले.