जिल्ह्यात आढळले
६११० कोरोना रुग्ण
पुणे, ता. ११ : जिल्ह्यात मंगळवारी ६ हजार ११० नवे कोरोना रुग्ण आढळून आले. यात पुणे शहरातील ३ हजार ४५९, पिंपरी चिंचवड १ हजार ७०६, जिल्हा परिषद कार्यक्षेत्र ७११, नगरपालिका कार्यक्षेत्र १२१ आणि कॅंटोन्मेंट बोर्ड क्षेत्रातल ११३ रुग्णांचा समावेश आहे. पुणे शहरातील एका रुग्णाचा मृत्यू झाला.
दिवसभरात एकूण १ हजार ६३८ जण कोरोनामुक्त झाले. यात पुणे शहरातील १ हजार १०४ जण, पिंपरी चिंचवड ३८७, जिल्हा परिषद कार्यक्षेत्र ९१, नगरपालिका कार्यक्षेत्र ३७ आणि कॅंटोन्मेंट बोर्ड क्षेत्रातील १९ जणांचा समावेश आहे. जिल्ह्यातील सक्रिय (ॲक्टिव्ह) रुग्णांची एकूण संख्या आता ३२ हजार ६७२ झाली. यातील १ हजार ५०४ रुग्णांवर विविध रुग्णालयांत उपचार सुरु असून उर्वरित ३१ हजार १६८ गृहविलगीकरणात आहेत. यामध्ये पुणे शहरातील १९ हजार ४५२ रुग्णांचा समावेश असल्याची माहिती आरोग्य विभागाच्यावतीने देण्यात आली.

सक्रिय रुग्ण वाढत असले तरी, उपचारासाठी रुग्णालयात दाखल होण्याचे प्रमाण तुलनेने कमी असल्याने पुणेकरांनी घाबरून जाऊ नये. परंतु प्रतिबंधात्मक उपाययोजनांची काटेकोरपणे अंमलबजावणी करणे आवश्‍यक असल्याचे मत आरोग्य विभागातील अधिकाऱ्यांनी व्यक्त केले आहे.