AKK25B05710
अक्कलकोट : येथील अन्नछत्र मंडळात आशिष फडणवीस यांचा सत्कार करताना अमोलराजे भोसले. याप्रसंगी उपस्थित श्‍यामराव मोरे, विशाल गोखले आदी.
---
‘अन्नछत्र’च्या नवीन महाप्रसादालयामुळे
अक्कलकोटच्या वैभवात भर पडणार
आशिष फडणवीस; अन्नछत्र मंडळाला दिली भेट
सकाळ वृत्तसेवा
अक्कलकोट, ता. १५ : श्री स्वामी समर्थ अन्नछत्र मंडळाचे संस्थापक- अध्यक्ष जनमेजयराजे विजयसिंहराजे भोसले यांच्या मार्गदर्शनाखाली व कार्यकारी अध्यक्ष अमोलराजे जनमेजयराजे भोसले यांच्या नेतृत्वाखाली न्यासाचे काम कौतुकास्पद आहे. नव्याने होत असलेल्या महाप्रसादालयाची इमारत ही श्रीक्षेत्र अक्कलकोटच्या वैभवात भर टाकणारी असल्याचे मनोगत मुख्यमंत्री देवेंद्र फडणवीस यांचे बंधू व नागपूर येथील उद्योजक आशिष फडणवीस यांनी व्यक्त केले.
ते सहपरिवार श्री स्वामी समर्थ अन्नछत्र मंडळात आले असता, न्यासाचे कार्यकारी अध्यक्ष अमोलराजे भोसले यांच्या प्रमुख उपस्थितीत न्यासाच्या नव्याने होत असलेल्या महाप्रसादालय इमारत बांधकामाची पाहणी केली. यावेळी अमोलराजे भोसले यांच्या हस्ते ‘श्रीं’ची मूर्ती, कृपावस्त्र व श्रीफळ देऊन आशिष फडणवीस यांचा सत्कार करण्यात आला. यावेळी बांधकाम व्यावसायिक विशाल गोखले (पुणे) उपस्थित होते.
आशिष फडणवीस म्हणाले, न्यासाचे कार्य हे धार्मिक क्षेत्राला प्रेरणा देणारे असून, अन्नछत्र आम्हा फडणवीस कुटुंबीयांचे श्रद्धेय आहे.
याप्रसंगी न्यासाचे सचिव श्‍यामराव मोरे, मुख्य पुरोहित अप्पू पुजारी यांच्यासह सेवेकरी, कर्मचारी व भाविक मोठ्या संख्येने उपस्थित होते.