दुचाकींच्‍या धडकेत
एक ठार, दुसरा गंभीर

खंडाळा, ता. २७ : महामार्गावरील शिरवळ- खंडाळा दरम्‍यानच्‍या सेवा रस्त्यावर दोन दुचाकींची समोरासमोर धडक होऊन झालेल्‍या भीषण अपघातात, एकाचा मृत्‍यू झाला, तर दुसरा दुचाकीस्‍वार गंभीर जखमी झाल्याची घटना आज दुपारी धनगरवाडी (ता. खंडाळा) गावच्या हद्दीत घडली. या अपघातात कुमार देशमाने (वय ३०, रा. वहागाव- सुरूर, ता. वाई) यांचा पुणे येथे उपचारादरम्यान मृत्‍यू झाल्याचे पोलिसांनी सांगितले, तर प्रकाश सूरज गुरव (रा. खंडाळा) हे गंभीर जखमी झाले. मृत कुमार देशमाने आणि प्रकाश गुरव हे दोघेही येथील एकाच कंपनीचे कर्मचारी असल्‍याने अपघाताची माहिती समजताच अन्‍य कामगारांमध्‍येही हळहळ व्‍यक्‍त झाली. एक जण कामावरून सुटून घरी निघाला होता, तर दुसरा कामावर निघाला असताना भरधाव वेगात हा अपघात झाल्‍याचे पोलिसांनी सांगितले. पुढील तपास पोलिस कर्मचारी मोहरे करीत आहे.

------------------------------------------