आगाशिवनगरमध्ये
बिबट्याचे दर्शन
मलकापूर : आगाशिवच्या डोंगराच्या पायथ्याशी असणाऱ्या गावांत बिबट्याचा वावर वाढतच आहे. शहरातील अनेक ठिकाणी बिबट्याचे नागरी वस्तीत दर्शन हाेत आहे. आगाशिवनगर येथे ऊसताेड सुरू असताना उसाला बिबट्याचे पिल्लू आढळले. मात्र, दाेन तासांतच मादी व बिबट्याची वन विभागाने भेट घडवून आणली.
आगाशिवनगर येथे विनोद शामराव शिंगण यांची शेती आहे. दोन दिवसांपूर्वीच कऱ्हाड- ढेबेवाडी रस्त्यापासून कोयना नदीच्या बाजूला त्यांच्या शेतात ऊसतोडणी सुरू होती. त्यावेळी दुपारी एकच्या सुमारास बिबट्याचे पिल्लू असल्याचे कामगारांच्या निदर्शनास आले. याबाबत शेतकरी विनोद शिंगण यांना समजताच त्यांनीही वन विभागाच्या अधिकाऱ्यांना माहिती दिली. त्यानंतर वन अधिकाऱ्यांसह कर्मचारी तातडीने तेथे दाखल झाले. दोन तासांतच पिल्लांची व बिबट्याच्या मादीची भेट घडवून आणली. या भागात बिबट्याचा वावर असल्याने त्याचा बंदोबस्त करावा, अशी नागरिकांची मागणी आहे.

........................................................