पुणे, ता. २९ : अभिजात भारतीय संगीतातील दिग्गज कलाकारांच्या स्मरण करण्याच्या हेतूने आयोजित ‘गुरुस्मरणम्’ या विशेष कार्यक्रम मालिकेतील पहिले पुष्प शनिवारी (ता. ४) गुंफले जाणार आहे. मालिकेतील पहिल्या कार्यक्रमात ज्येष्ठ सतारवादक उस्ताद शुजात हुसेन खाँ यांच्या नजाकतपूर्ण सतारवादनाची पर्वणी पुणेकरांना मिळणार आहे.
‘सकाळ माध्यम समूह’ आणि स्वरझंकार यांच्या संयुक्त विद्यमाने आयोजित हा कार्यक्रम शनिवारी (ता. ४) सायंकाळी साडेसहा वाजता बाणेरमधील बंटारा भवनमध्ये होणार आहे. लोकमान्य मल्टिपर्पज को-ऑप सोसायटी लि. आणि ‘पु. ना. गाडगीळ आणि सन्स’ हे या कार्यक्रमाचे सहयोगी प्रायोजक आहेत.
‘गुरुस्मरणम्’ मालिकेतील पहिल्या कार्यक्रमाचा प्रारंभ उस्ताद शुजात हुसेन खाँ यांच्या सादरीकरणाने होणार आहे. मुकेश जाधव आणि सपन अंजारिया हे त्यांना तबल्यावर साथसंगत करणार आहेत. ज्येष्ठ तबलावादक पं. विजय घाटे हे त्यांच्याशी संवाद साधणार आहेत. या कार्यक्रमाची तिकिटे bookmyshow.com या संकेतस्थळावर उपलब्ध आहेत.
हे लक्षात ठेवा
कधी : शनिवार (ता. ४)
केव्हा : सायंकाळी ६.३० वाजता
कुठे : बंटारा भवन, बाणेर
तिकिटे : ‘बुक माय शो’ या संकेतस्थळावर उपलब्ध
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.