महाराष्ट्रीय संस्कृतीमध्ये लाडूला अगदी महत्त्वाचे स्थान आहे. वेगवेगळ्या प्रकारचे लाडू व व त्याचे विविध ऋतुमानानुसार शरीरासाठी असणारे महत्त्व या अनुषंगाने विविध प्रकारचे लाडू तयार करण्यास शिकवणारी व्यावसायिक कार्यशाळा २८ जून रोजी आयोजिली आहे. कार्यशाळेत खजूर, डिंक, जवस, सातू, ड्रायफ्रूट, बाजरी, पौष्टिक, राघवदास, मेथी, गुलकंद, पान, चॉकलेट, राजगिरा, चिरमुरा, नाचणी, मिलेट, उपवासाचा स्पेशल, रवा, बेसन, बनाना, पांचाली व मूग हे नावीन्यपूर्ण लाडूचे प्रकार प्रात्यक्षिकासह शिकवले जातील. त्याचप्रमाणे अगदी कमी भांडवलामध्ये हा व्यवसाय कशा पद्धतीने सुरू करता येतो याचे मार्गदर्शन केले जाईल. तसेच मार्केटिंग, पॅकिंग, लायसनिंग, कॉस्टिंग याच्या नोट्स पुरवल्या जातील.
संपर्क : ८४८४८११५४४

पटकथा लेखन कार्यशाळा
चित्रपट क्षेत्रात यशस्वी होण्यासाठी लेखक, दिग्दर्शक, निर्माते आणि कलावंतांना पटकथा लेखनाविषयीची माहिती असणे गरजेचे असते. एखाद्या संकल्पनेवरून चित्रपटाची निर्मिती करण्यासाठी व्यक्तिरेखांकन, कथा, पटकथा आणि संवाद लेखन यांचे तंत्र अवगत असणे आवश्यक आहे. चित्रपट उद्योग क्षेत्रात उत्तम पटकथा लेखकांची खूप मागणी आहे. या पार्श्वभूमीवर दोन दिवसीय ऑनलाइन कार्यशाळा २८ व २९ जून रोजी आयोजिली आहे. यामध्ये पटकथा लेखनाची प्रक्रिया व त्यात कृत्रिम बुद्धिमत्तेचा वापर आदींबाबत सविस्तर मार्गदर्शन होणार आहे.
संपर्क : ८४८४८११५४४

राष्ट्रीय एफपीओ धोरण व शासकीय योजनांबाबत प्रशिक्षण
केंद्र शासनाने शेतकरी उत्पादक संस्था (एफपीओ) चळवळीला एक नवी दिशा देण्यासाठी राष्ट्रीय एफपीओ धोरणाचा मसुदा तयार केला आहे. या धोरणामुळे एफपीओंना योग्य मार्गदर्शन मिळणार आहे, ज्यामुळे त्यांचे व्यवसाय अधिक सक्षम, मजबूत आणि टिकाऊ होऊ शकतात. नव्या धोरणामुळे एफपीओंना आवश्यक साधनसुविधा, बाजारजोडणी, अन्न प्रक्रिया, आणि दूध उत्पादनासाठी सरकारी मदतीचे लाभ मिळणार आहेत. याबाबत ३० जून रोजी ऑनलाइन प्रशिक्षण आयोजिले आहे. यामध्ये राष्ट्रीय एफपीओ धोरणाचा मसुदा, केंद्र सरकारचा २०२५-२६ चा अर्थसंकल्प, एफपीओंसाठी नव्या योजनांचा समावेश, तसेच वायदे बाजारातील नवीन संधी यांसारख्या महत्त्वाच्या मुद्द्यांवर मार्गदर्शन करण्यात येणार आहे.
संपर्क : ९१५६०१००६०, ८९५६७१२६३१

BPMS पोर्टल ऑनलाइन प्रशिक्षण
आजच्या डिजिटल युगात बांधकाम परवानग्यांची प्रक्रिया अधिक वेगवान व पारदर्शक झाली आहे. अशा वेळी BPMS पोर्टल व PREDCR प्रणाली समजून घेणे हे वास्तुविशारद, स्थापत्य अभियंते व नगर नियोजकांसाठी अत्यावश्यक झाले आहे. १ जुलै ते ३१ जुलै या कालावधीत होणारे BPMS पोर्टल ऑनलाइन प्रशिक्षण हे व्यावसायिक कौशल्य वाढवण्याची उत्तम संधी आहे. केवळ एका महिन्यात UDCPR नियोजन नियम, बिल्डिंग परवाना प्रक्रिया, योग्य ड्रॉइंग सबमिशनसाठी स्किल्स आणि PREDCR टेस्टिंग यांसारख्या महत्त्वाच्या टप्प्यांवर प्रभुत्व मिळवणे शक्य आहे. प्रशिक्षण पूर्ण केल्यानंतर तीन महिन्यांसाठी व्हाट्सॲप साहाय्य, रेकॉर्ड केलेल्या सत्रांना आजीवन प्रवेश, टीपी क्लायंट सॉफ्टवेअर इन्स्टॉलेशन व तज्ज्ञांचे मार्गदर्शन मिळेल.
संपर्क : ८४८४८११५४४