पुणे, ता. १८ ः श्रीगणेशाच्या विविध रूपांचे दर्शन घडवणाऱ्या चित्रकार राजेश केदारे यांच्या ‘प्रारंभ’ या एकल चित्र प्रदर्शनाचे आयोजन मंगळवारपासून (ता. १९) करण्यात आले आहे. हे प्रदर्शन रविवारपर्यंत (ता. २४) सकाळी ११ ते सायंकाळी ७ या वेळेत घोले रस्त्यावरील पं. जवाहरलाल नेहरू सांस्कृतिक भवन येथील राजा रविवर्मा कलादालनात सर्वांसाठी खुले असेल. केदारे यांच्या या चित्र प्रदर्शनात गणेशाची लोभस रूपे पाहायला मिळणार असून भावना, परंपरा आणि कल्पनाशक्तीचा संगम या चित्रांमध्ये पाहायला मिळणार आहे.