पुणे, ता. २१ ः राज्यातील माहेश्वरी समाजातील उल्लेखनीय व्यक्तींना ‘महेश प्रोफेशनल फोरम’ संस्थेतर्फे देण्यात येणाऱ्या ‘महेश गौरव पुरस्कार’ची घोषणा करण्यात आली आहे. मान इचलकरंजी येथील उद्योजक आणि विविध शैक्षणिक संस्थांच्या माध्यमातून समाजकार्यात सक्रिय असलेले सीए श्रीकिशन भुतडा आणि अमरावती येथील प्राध्यापिका, समाजसेविका डॉ. सोनल चांडक यांना यंदाचा पुरस्कार जाहीर करण्यात आला आहे. श्रीकिशन भुतडा यांना ‘मॅन ऑफ सबस्टन्स’ तर डॉ. प्रा. सोनल चांडक यांना ‘वूमन ऑफ सबस्टन्स’ या पुरस्काराने गौरविण्यात येणार आहे. या पुरस्काराचे यंदा हे १४ वे वर्ष आहे. हा पुरस्कार सोहळा शनिवार (ता. २३) सायंकाळी सहा वाजता डॉ. श्यामराव कलमाडी हायस्कूल ऑडिटोरियम येथे पार पडणार आहे, अशी माहिती महेश प्रोफेशनल फोरम मध्यवर्ती शाखेच्या अध्यक्षा प्रीती जाजू व कार्यक्रम संचालक राहुल डागा यांनी दिली.