पुणे, ता. १९ : वाढत्या रस्ते अपघातांच्या पार्श्वभूमीवर रस्ता सुरक्षा जनजागृती ही काळाची गरज बनली आहे. याच उद्देशाने ‘इन्स्टिट्यूट ऑफ ड्रायव्हिंग ट्रेनिंग अँड रिसर्च सोसायटी’तर्फे (आयडीटीआरएस) एका विशेष कार्यक्रमाचे आयोजन केले आहे, अशी माहिती संजय ससाणे, मंदार ताम्हनकर आणि महेश शिवणकर यांनी पत्रकार परिषदेत दिली.
हा कार्यक्रम शनिवारी (ता. २०) दुपारी साडेतीन ते रात्री ८ वाजेपर्यंत टिळक रस्ता येथील डॉ. नीतू मांडके ‘आयएमए हॉल’ येथे होणार आहे. यात लेखक मंदार ताम्हनकर यांच्या ‘जर्नी ऑन व्हील्स (चक्रकांत) इन ऑस्ट्रेलिया’ या पुस्तकाचे आणि ‘झिरो अपघात इन माय रिस्पॉन्सिबिलिटी अन ईपी रीड अराउंड ऑस्ट्रेलिया’ या पुस्तकाचे प्रकाशन होणार आहे, तसेच ऑस्ट्रेलियन मेडलप्राप्त डॉ. विजय जोशी यांचे ‘रोड सेफ्टी अँड इनोव्हेशन इन हायवे इंजिनिअरिंग या विषयावर व्याख्यान असणार आहे.