पुणे, ता. २३ : बहुजन, विशेषतः अनुसूचित जाती व वंचित घटकांच्या स्वतंत्र राजकीय प्रतिनिधित्वावर गदा आणणाऱ्या पुणे कराराविरोधात बहुजन समाज पक्षाच्या वतीने ‘पुणे करार धिक्कार परिषद’ आयोजित केली आहे. ही परिषद बुधवारी (ता. २४) सकाळी ११ वाजता येरवड्यातील लोकशाहीर अण्णा भाऊ साठे सभागृहात होणार आहे. यामध्ये विविध मान्यवर मार्गदर्शन करणार असल्याची माहिती पक्षाचे प्रदेश महासचिव, पश्‍चिम महाराष्ट्र झोन मुख्य प्रभारी डॉ. हुलगेश चलवादी यांनी दिली. या करारामुळे बहुजन समाजाचे राजकीय बळकटीकरण खुंटले असून बहुजनांच्या राजकीय ऐक्याचा नवा टप्पा परिषदेतून सुरू होईल, असेही डॉ. चलवादी यांनी सांगितले.