पुणे, ता. २२ : वाढत्या सांधेदुखीवर ‘टेब ट्रीटमेंट क्लिनिक’ने आयुर्वेदिक उपचारांतून प्रभावी तोडगा शोधला असून, आता पुण्यासह नागपूर तसेच गुजरातमधील नवसारी आणि सुरत येथेही त्यांची केंद्रे सुरू झाली आहेत. लवकरच वडोदरा आणि गोव्यातही नवीन शाखा उघडण्याची घोषणा ‘टेब ट्रीटमेंट क्लिनिक’तर्फे करण्यात आली आहे.
गेल्या काही वर्षांपासून बदलती जीवनशैली आणि बैठ्या कामांमुळे तरुणांमध्येही सांधेदुखीचे प्रमाण वाढले आहे. अनेक औषधोपचार घेऊनही गुण येत नसल्याने अनेक जण निराशेच्या गर्तेत सापडतात. मात्र, पुणे येथील ‘टेब ट्रीटमेंट क्लिनिक’ने १९९१ पासून संधिवातावर १०० टक्के आयुर्वेदिक उपचार देऊन हजारो रुग्णांना या वेदनांपासून मुक्ती मिळवून दिली आहे.
डॉ. टेब आणि डॉ. रुस्तम बी. जिनवाला यांनी स्थापन केलेल्या या क्लिनिकमध्ये रुग्णाच्या शारीरिक व मानसिक स्थितीचा सखोल अभ्यास करून उपचार केले जातात. या उपचारांमुळे मधुमेह किंवा इतर गंभीर आजार असलेल्या रुग्णांवर कोणताही दुष्परिणाम होत नाही. विशेष म्हणजे या उपचारांसाठी रुग्णाला रुग्णालयात दाखल व्हावे लागत नाही किंवा कोणतीही शस्त्रक्रिया करावी लागत नाही.
येथे केवळ संधिवातच नव्हे, तर लिगामेंट इंज्युरी, फ्रोजन शोल्डर, स्नायूंमधील वेदना, मानेचे व कमरेचे आजार तसेच हिप जॉइंट नेक्रोसीस यांसारखे आजारही बरे केले जातात. अनेक वर्षांपासून अंथरुणाला खिळलेले रुग्णही या उपचारांनी पूर्णपणे बरे झाल्याचे क्लिनिकने सिद्ध केले आहे.