पुणे, ता. १ : गौरांग पुणतांबेकर यांच्या ‘अक्षररेखा’ या रेखाटन आणि सुलेखन यांचा संगम असलेल्या प्रदर्शनाचे आयोजन करण्यात आले आहे. मंगळवारपासून (ता. ४) या प्रदर्शनाला सुरुवात होत असून, कोथरूडच्या हॅपी कॉलनीतील पु. ना. गाडगीळ अँड सन्स’च्या कलादालनात ११ नोव्हेंबरपर्यंत सकाळी ११ ते सायंकाळी ८ या वेळेत हे प्रदर्शन सर्वांसाठी खुले असेल. हे प्रदर्शन चित्र आणि अक्षरे, अशा दोन्हींचे एकात्म दर्शन घडवणारे आहे. पुणतांबेकर यांना माध्यम आणि जाहिरात क्षेत्रातील १५ वर्षांचा अनुभव असून ते आर्ट डायरेक्टर म्हणून काम करतात.