पुणे, ता. ११ ः महाराष्ट्र कल्चरल सेंटरतर्फे डॉ. अशोक दा. रानडे अर्कार्इव्हजच्या स्थापनादिनानिमित्त दरवर्षी ‘परफॉर्मन्स फ्रॉम अर्काईव्हज’ या मालिकेत विशिष्ट संकल्पना घेऊन संशोधनपूर्ण सादरीकरण केले जाते. यंदा याअंतर्गत ‘सवाल-जवाब’ या विशेष नाटकाचे आयोजन करण्यात आले आहे. शुक्रवारी (ता. १४) सायंकाळी ७ वाजता टिळक रस्त्यावरील हिराबाग चौकातील ज्योत्स्ना भोळे सभागृहात हे नाटक सादर होणार असून, सर्व रसिकांना विनामूल्य प्रवेश आहे. सत्तेने लादलेली बंधने आणि अभिव्यक्ती स्वातंत्र्य यांच्यातील तानेबाने उलगडणाऱ्या या नाटकाचे लेखन व दिग्दर्शन गिरीश दातार आणि अपूर्वा कुलकर्णी यांचे आहे. या नाटकात सुकन्या गुरव, संकेत जोशी, कौस्तुभ देशपांडे, संगीता मरडूर, समाधान रणशूर, धनंजय साळुंखे, निकेतन नंदुरबारे, संकेत पारखे हे कलाकार विविध भूमिका साकारत आहेत.