पुणे, ता. १३ ः पवित्रम् फाउंडेशन या संस्थेने हिंदू व्यावसायिक आणि ग्राहकांना एका व्यासपीठावर आणण्यासाठी ‘पवित्रम्’ हे मोबाईल ॲप विकसित केले आहे. या ॲपचे लोकार्पण रविवारी (ता. १६) सायंकाळी सहा वाजता एरंडवणे येथील शकुंतला जगन्नाथ शेट्टी सभागृहात होणार असल्याची माहिती फाउंडेशनचे अध्यक्ष सुबोध शहा यांनी गुरुवारी पत्रकार परिषदेत दिली. याप्रसंगी तुषार कुलकर्णी, शशांक मेंगडे, सारंग देव, राजेश तोळबंदे, आशिष कांटे उपस्थित होते. अयोध्येतील श्रीराम जन्मभूमी न्यासाचे कोषाध्यक्ष स्वामी गोविंददेव गिरी महाराज यांच्या हस्ते ॲपचे लोकार्पण होणार आहे. प्रमुख पाहुणे म्हणून राज्याचे उच्च व तंत्र शिक्षणमंत्री चंद्रकांत पाटील उपस्थित राहणार आहेत. हा कार्यक्रम सर्वांसाठी खुला आहे.