पुणे, ता . १८ : सिंहगड रस्त्यावरील आनंदनगर व माणिक बाग चौकात वाहतूक नियमाचे उल्लंघन होत असून त्यासाठी प्रशासनातर्फे कठोर उपाययोजना करण्यात याव्यात, अशी मागणी अखिल भारतीय मराठा महासंघाचे शहर अध्यक्ष युवराज दिसले यांनी सिंहगड रास्ता वाहतूक विभागाकडे निवेदनाद्वारे केली आहे. सिंहगड रस्त्यावर बांधण्यात आलेल्या उड्डाणपुलाची दुसरी बाजू अद्याप सुरू करण्यात न आल्यामुळे त्याचा वाहतुकीवर परिणाम होत आहेत. आनंदनगर व माणिक बाग चौक येथे वाहनचालक वेगाने वाहन चालवत असून, त्यांच्याकडून वाहतूक नियमांचे उल्लंघन होत आहे. ही परिस्थिती अपघातांसाठी पूरक असून यासाठी प्रशासनाने योग्य त्या उपाययोजना करून हे प्रकार त्वरित थांबवावेत, अशी मागणी दिसले यांनी आपल्या निवेदनात केली आहे.