पुणे, ता. २१ : महाराष्ट्र टॅक्स प्रॅक्टिशनर्स असोसिएशनच्या (एमटीपीए) अध्यक्षपदी ॲड. अनुरुद्र चव्हाण यांची, तर उपाध्यक्षपदी ॲड. ज्ञानेश्वर नरवडे यांची निवड करण्यात आली. संस्थेच्या ‘ज्ञानमंदिर’ सभागृहात नुकत्याच झालेल्या ४५व्या वार्षिक सर्वसाधारण सभेत २०२५-२६ या वर्षाकरिता नवनिर्वाचित कार्यकारिणीची निवड करण्यात आली. कार्यकारिणीमध्ये ॲड. कैलास काशीद, नवनाथ नलवडे, उमेश दांगट, ॲड. प्रणव शेठ, योगेश इंगळे, सुभाष घोडके, परीक्षित औरंगाबादकर, मिलिंद हेंद्रे, नेहा नाणेकर यांचा. तर स्वीकृत सदस्य म्हणून अश्विनी बिडकर व विनोद रहाते यांचा समावेश आहे.

या वेळी संस्थेचे मावळते अध्यक्ष ॲड. प्रसाद देशपांडे, माजी अध्यक्ष ॲड. नरेंद्र सोनावणे, सीएमए बी. एम. शर्मा, प्रकाश पटवर्धन, मनोज चितळीकर, ॲड. भारत डिंबले, संतोष शर्मा आदी उपस्थित होते. याप्रसंगी ‘एमटीपीए मेरुमणी’ पुरस्काराने सीएमए श्रीपाद बेदरकर यांना, तर ‘एमटीपीए कोहिनूर’ पुरस्काराने सीएमए प्रकाश रिझवानी, अनिल चव्हाण, संतोष सहर्म व अनिल वखारिया यांना सन्मानित करण्यात आले. ‘कृतज्ञता सन्मान’ सीए मिलिंद काळे यांना प्रदान करण्यात आला. ॲड. प्रणव शेठ आणि ॲड. ज्ञानेश्वर नरवडे यांनी सूत्रसंचालन केले.