पुणे, ता. २३ ः नानी पालखीवाला नॅशनल लॉ क्लबच्या (एनपीएनएलसी) वतीने विविध खटल्यांबाबत सर्वोच्च न्यायालयाचे वकील नागरिक आणि वकिलांना मार्गदर्शन करणार आहेत. मंगळवारी (ता. २४) दुपारी तीन वाजता प्रॅक्टिकल एज्युस्कील्स, बुट्टे पाटील कॉप्लेक्स, कर्वे रस्ता येथे हे शिबिर पार पडणार आहे. शिबिर सर्वांसाठी मोफत खुले असून त्यात मालमत्ता, वैवाहिक संबंध, कॉर्पोरेट विभाग,सेवा, वारसा हक्क व इतर क्षेत्रातील दिवाणी व फौजदारी न्यायालये, जिल्हा आणि सत्र न्यायालये, उच्च न्यायालये व सर्वोच्च न्यायालय येथे दाखल झालेल्या खटल्यासंदर्भात नॅशनल लॉ क्लबचे अध्यक्ष व सर्वोच्च न्यायालयाचे वकील जयप्रकाश बन्सीलाल सोमाणी व इतर तज्ज्ञ मार्गदर्शन करणार आहेत. ॲड. जयप्रकाश सोमाणी आणि ॲड. वैशाली जाधव यांनी याबाबतची माहिती पत्रकार परिषदेत दिली.