पुणे, ता. २४ ः असोसिएशन ऑफ फिजिशियन्स ऑफ इंडिया (एपीआय) पुणे शाखेच्या वतीने ‘शिरीष थिएटर्स’ आणि ‘रियाज ग्रुप’ यांच्या संयुक्त विद्यमाने ‘एक डॉक्टर घडताना’ या विशेष कार्यक्रमाचे आयोजन करण्यात आले आहे. एक जुलै रोजी संध्याकाळी पाच वाजता बालगंधर्व रंग मंदिरात हा कार्यक्रम होणार आहे. या कार्यक्रमात डॉक्टर म्हणून घडताना आलेले अनुभव, आव्हाने आणि संघर्ष यावर प्रकाश टाकला जाणार आहे, अशी माहिती संघटनेचे डॉ. संजय गांधी, खजिनदार डॉ. अमित वाळिंबे यांनी पत्रकार परिषदेत दिली. यावेळी डॉ. प्रीती घोलप, डॉ. सचिन यादव आणि डॉ. अनिकेत जोशी उपस्थित होते. वैद्यकीय महाविद्यालयात प्रवेश घेण्यापासून डॉक्टर होण्यापर्यंतचा आणि त्यानंतर प्रॅक्टीस सुरू झाल्याचा प्रवास गाण्यांच्या माध्यमांतून मांडण्यात येणार आहे. या कार्यक्रमाची संकल्पना डॉ. घोलप यांची आहे. कार्यक्रम सर्वांसाठी खुला आहे, अशी माहिती डॉ. घोलप यांनी दिली.