पुणे, ता. २६ ः किरकोळ वादातून टोळक्याने एकाला मारहाण केल्याची घटना अरण्येश्वर भागातील लोकशाहीर अण्णा भाऊ साठे वसाहतीत घडली. या प्रकरणी पर्वती पोलिसांकडून १० ते १५ जणांवर गुन्हा दाखल केला आहे. याबाबत एका तरुणाने पर्वती पोलिस ठाण्यात फिर्याद दिली आहे. पोलिसांनी दिलेल्या माहितीनुसार, तक्रारदार तरुण आणि त्याच्या पत्नीत २४ सप्टेंबर रोजी रात्री साडेअकराच्या सुमारास वाद झाले. त्यांच्यात वाद सुरू असताना आरोपींनी तरुणाला शिवीगाळ केली. त्यानंतर तरुण आरोपींना जाब विचारण्यासाठी गेला. तेव्हा आरोपींनी तरुण आणि मित्राला शिवीगाळ करून मारहाण केली. दोघांना फरशीचा तुकडा आणि फळीने मारहाण केली.