पुणे, ता. ५ : महाराष्ट्र गर्ल्स एज्युकेशन सोसायटीच्या हुजूरपागा शाळेतर्फे आयोजित केलेल्या हुजूरपागा कला आणि क्रीडा करंडक स्पर्धेत भारतीय विद्या भवन सुलोचना नातू विद्या मंदिरातील पाचवी ते सातवीतील विद्यार्थिनी आणि शिक्षकांनी मिळविलेल्या यशाबद्दल क्रीडा व कला सामाईक ट्रॉफी देऊन गौरविण्यात आले. समूह गीत, भक्ती गीत, नाट्यछटा, नाट्यवाचन या स्पर्धांमध्ये ३० विद्यार्थिनींनी भाग घेऊन बक्षिसे मिळवली. तसेच ६ शिक्षकांनी नाट्यवाचन, काव्यवाचन स्पर्धेत बक्षिसे मिळवली. बक्षीस समारंभ भैरवी पालकर घाटे यांच्या हस्ते करण्यात आला.
..........