पुणे, ता. ५ ः महापालिका निवडणुकीचा जाहीरनामा तयार करण्यासाठी राष्ट्रवादी कॉंग्रेस पक्षाकडून जाहीरनामा समिती तयार करण्यात आली आहे. या समितीमध्ये माजी महापौर, उपमहापौर, स्थायी समितीच्या माजी अध्यक्षांसह प्रमुख पदाधिकाऱ्यांना स्थान देण्यात आले आहे. पक्षाचे शहराध्यक्ष सुनील टिंगरे यांनी शुक्रवारी समिती जाहीर केली. त्यामध्ये सुनील टिंगरे, शहराध्यक्ष सुभाष जगताप यांच्यासह आमदार चेतन तुपे, राजलक्ष्मी भोसले, वैशाली बनकर, दत्तात्रेय धनकवडे, दीपक मानकर, बंडू गायकवाड, दिलीप बराटे, बाबूराव चांदेरे, बाळासाहेब बोडके, शंकर केमसे, प्रदीप गायकवाड, नीलेश मगर यांचा समावेश करण्यात आला आहे. या समितीकडून पक्षाचा निवडणुकीसाठीचा जाहीरनामा तयार केला जाणार असल्याची माहिती टिंगरे यांनी दिली.
------------