पुणे, ता. २३ : शिवसेना उद्धव बाळासाहेब ठाकरे पक्षाच्या वतीने पुणे महानगरपालिकेच्या आगामी निवडणुकांच्या पार्श्वभूमीवर उमेदवार निवड प्रक्रिया नाना पेठ येथील शिवसेना संपर्क कार्यालयात पार पडली. त्‍यासाठी इच्‍छुकांनी मुलाखती दिल्‍या. आतापर्यंत शिवसेनेच्‍या सर्व ४१ प्रभागांमधून एकूण ३३६ इच्छुकांनी मुलाखती दिल्या आहेत.
यावेळी मुलाखती घेण्यासाठी शिवसेना शहरप्रमुख संजय मोरे, गजानन थरकुडे, सहसंपर्क प्रमुख आदित्य शिरोडकर, राज्य संघटक वसंत मोरे, माजी शहरप्रमुख रामभाऊ पारिख, प्रशांत बधे, कार्यालयीन सचिव मकरंद पेठकर यांनी मुलाखती घेतल्‍या, अशी माहिती प्रसिद्धी प्रमुख अनंत रामचंद्र घरत यांनी दिली. दरम्‍यान, काँग्रेस पक्षासोबत युतीबाबत अद्याप निर्णय झालेला नसून त्‍याबाबत पक्षाची वरिष्‍ठ स्‍तरावर बोलणी सुरू असल्‍याची माहिती शहरप्रमुख संजय मोरे यांनी दिली. तसेच इतर पक्षांतील नगरसेवकही पक्षामध्‍ये येण्‍यासाठी इच्छुक असल्‍याचे त्‍यांनी सांगितले.