पुणे, ता. २७ : पिरॅमिड स्पिरिच्युअल सोसायटीज मूव्हमेंट ग्लोबल या संस्थेतर्फे १३ ते ३५ वयोगटातील युवांसाठी येत्या शनिवार (ता. २८) व रविवार (ता. २९) दरम्यान दोन ठिकाणी मोफत ध्यान शिबिर आयोजित केले आहे. पहिले शिबिर शनिवारी (ता. २८) चिंचवड येथील केशवनगरमधील कल्याण प्रतिष्ठान येथे सकाळी १० ते सायंकाळी ५ या वेळेत होणार आहे. दुसरे शिबिर रविवारी (ता. २९) औंध येथील पं. भीमसेन जोशी कला मंदिरात सकाळी ९ ते सायंकाळी ४ या वेळेत होईल. इच्छुकांनी अधिक माहितीसाठी www.pssmovement.org या संकेतस्थळाला भेट द्यावी, असे आवाहन संस्थेने केले आहे.