पुणे, ता. २८ : माय होम इंडिया आणि जनजाती कल्याण आश्रम, पुणे यांच्या वतीने रविवारी (ता. २९) सकाळी नऊ वाजता कर्वे रस्त्यावरील स्वा. सावरकर अध्यासन केंद्र येथे विशेष कार्यक्रमाचे आयोजन केले आहे. या कार्यक्रमात सन १८५५ साली ब्रिटिशांविरोधातील लढ्यात हुतात्म्यांनी दिलेल्या बलिदानाचे स्मरण करण्यात येणार आहे. यानिमित्ताने भाजपचे माजी राष्ट्रीय सचिव सुनील देवधर हे मार्गदर्शन करणार आहे. तसेच ‘वनपुण्याई’ या जनजाती कल्याण आश्रमाच्या नियतकालिकाचे प्रकाशन होणार असून, संथाल जनजातीच्या स्वातंत्र्य संग्रामातील बलिदानी वीरांना आदरांजली वाहण्यात येणार आहे. याप्रसंगी छत्रपती शिवाजी महाराज शासकीय औद्योगिक प्रशिक्षण संस्था औंधचे उपप्राचार्य अशोक साबळे, ज्येष्ठ साहित्यिक श्याम भुर्के उपस्थित राहणार आहेत.