पुणे, ता. ३० ः ‘लोकमान्य मल्टिपर्पज को-ऑप सोसायटी लि’तर्फे ‘मॉन्सून मुदत ठेव’ योजना सादर करण्यात आली आहे. कमी कालावधीत आकर्षक परतावा देणाऱ्या या योजनेस सभासद-ग्राहकांचा लक्षणीय प्रतिसाद मिळत आहे.
पाचशे दिवसांसाठी असलेल्या या गुंतवणूक योजनेसाठी १०.२५ टक्के इतका व्याजदर आहे. तर ज्येष्ठ नागरिकांसाठी ०.५० टक्के इतका अधिकचा व्याजदर आहे. सभासद-ग्राहक या योजनेत किमान दहा हजार रुपयांपासून गुंतवणूक करू शकतात. सोप्या गुंतवणूक प्रक्रियेसह मर्यादित कालावधीसाठी हमखास व चांगला असा परतावा मिळवून देणारी ही योजना आहे. या योजनेचा लवकरात लवकर लाभ घेण्याचे आवाहन ‘लोकमान्य सोसायटी’तर्फे करण्यात आले आहे. गुंतवणूकदार घरबसल्या ‘लोकमान्य मोबाईल ॲप’च्या माध्यमातूनदेखील या योजनेमध्ये पैसे गुंतवू शकतात. ‘लोकमान्य सोसायटी’च्या कोणत्याही शाखेत या योजनेचा लाभ मिळेल.