भोई समाजातील विद्यार्थ्यांचा सत्कार
पुणे, ता. १ : समस्त भोई पंच मंडळी व भोई समाज महिला आघाडीतर्फे भोई समाजातील दहावी व बारावी उत्तीर्ण विद्यार्थ्यांचा सत्कार समारंभ कसबा पेठेतील भोईराज भवन येथे झाला. ‘दहावी व बारावीनंतर पुढील दिशा’ या विषयावर भारती विद्यापीठाचे सीईओ अतुल आयरे यांनी मार्गदर्शन केले. त्यानंतर १०० गुणवंत विद्यार्थ्यांना गौरविण्यात आले. या वेळी राहुल तिकोने, नलिनी कारळे, हिरालाल महाडीक, विलास सुपेकर, बाळासाहेब काथवटे, नारायण जाधव, श्रीकांत पाटील, गीता तारू, संगीता तिकोने उपस्थित होते.

रोटरी क्लबचा पदग्रहण समारंभ
पुणे, ता. १ : रोटरी क्लब पुणे टिळक रस्त्याचा ३७वा पदग्रहण समारंभ उत्साहात पार पडला. या वेळी अध्यक्षपदी देवदत्त हंबर्डीकर, तर सचिवपदी अपर्णा क्षीरसागर यांची नियुक्ती करण्यात आली. मावळते अध्यक्ष पराग गाडगीळ यांच्याकडून हंबर्डीकर यांनी सूत्रे स्वीकारली. या वेळी रोटरीचे डिस्ट्रिक्ट गव्हर्नर संतोष मराठे उपस्थित होते.