पुणे,ता. २ ः पीएमपी प्रशासनाने श्रावणात शिवलिंग तीर्थक्षेत्रांसाठी ‘पर्यटन बस’ सेवा सुरू केली आहे. दोन ऑगस्टपासून ती सुरू झालेली आहे. पीएमपीची ही बारावी पर्यटन बससेवा आहे.
---------------
- पर्यटन बससेवा क्र. १२
- मार्ग ः पुणे स्टेशन - स्वारगेट- भुलेश्वर मंदिर माळशिरस (ता. पुरंदर). त्रिंबकेश्वर मंदिर हिवरे- संगमेश्वर मंदिर सासवड- चांगावटेश्वर मंदिर सासवड- नारायणेश्वर मंदिर नारायणपूर -बनेश्वर मंदिर - स्वारगेट- पुणे स्टेशन.
-बस सुटण्याची वेळ : सकाळी साडे आठ (पुणे स्टेशन)
-बस पोहोचण्याची वेळ ः सायंकाळी ७ वाजता
-बसचा पहिला व शेवटचा थांबा ः पुणे स्टेशन
- प्रति प्रवासी तिकीट दर ः पाचशे रुपये.
----------------
पर्यटन बससेवेची वैशिष्ट्ये:
-किफायतशीर प्रवास ः पीएमपीएमएलची पर्यटन बससेवा अत्यंत किफायतशीर दरात उपलब्ध आहे, ज्यामुळे प्रवाशांच्या खिशाला परवडेल असा हा पर्याय आहे.
-वातानुकूलित ‘स्मार्ट इलेक्ट्रिक बस’ : भाविकांना आणि पर्यटकांना संपूर्ण वातानुकूलित आणि आधुनिक स्मार्ट इलेक्ट्रिक बसमधून आरामदायक प्रवासाचा अनुभव घेता येणार आहे.
-नियोजित वेळापत्रक ः ही सेवा प्रत्येक शनिवार, रविवार आणि सार्वजनिक सुट्ट्यांच्या दिवशी उपलब्ध असेल, तसेच, पर्यटकांच्या मागणीनुसार इतर दिवशीही ही सेवा पुरवली जाईल.
-सर्वांसाठी उपयुक्त ः विविध कार्यालये, महाविद्यालये, शाळा, औद्योगिक आणि आयटी क्षेत्रातील कंपन्यांमधील नोकरदार तसेच सर्वसामान्य प्रवाशांसाठी ही सेवा आरामदायी, सुलभ आणि माफक दरात उपलब्ध करून देण्यात आली आहे.