फोटो ओळ - SLC25B27659
सोलापूर : पंचकट्टा येथे कार्यालयाचे उद्घाटन करताना सिद्धेश्वर देवस्थान कमिटीचे चेअरमन धर्मराज काडादी व अन्य मान्यवर.
सिद्धरामेश्वर यात्रा समितीच्या कार्यालयाची स्थापना
पंचकट्टा येथे कट्ट्याचे पूजन; यात्रेतील दुकानांना परवानगी देण्यास सुरवात
सकाळ वृत्तसेवा
सोलापूर, ता. १५ : जानेवारीमध्ये होणाऱ्या शिवयोगी सिद्धरामेश्वर महाराजांच्या यात्रेसाठी सोमवारी पंचकट्टा येथे पारंपरिक पद्धतीने कट्ट्याचे पूजन करण्यात आले. त्यानंतर पंचपट्टा येथे श्री सिद्धरामेश्वर यात्रा समितीच्या कार्यालयाची स्थापना करण्यात आली.
सोमवारपासून गड्डा यात्रेत विविध वस्तूंच्या दुकानांना परवानगी देण्यास सुरवात झाली. यात्रा समितीचे सर्व पदाधिकारी व श्री सिद्धेश्वर देवस्थान विश्वस्त समितीचे चेअरमन धर्मराज काडादी यांच्या हस्ते पंचकट्ट्याचे पूजन करण्यात आले.
प्रतिवर्षाप्रमाणे यात्रेतील कृषी प्रदर्शनासाठी आवश्यक मंडपाचे ही भूमिपूजन याप्रसंगी करण्यात आले. २५ डिसेंबर ते ३० डिसेंबर दरम्यान हे कृषी प्रदर्शन असणार आहे. विविध मनोरंजनाच्या स्टॉल्स व गृहोपयोगी वस्तूंच्या स्टॉल्स ना आजपासून परवानगी देऊन यात्रेची एक प्रकारे सुरवात झाली आहे. श्री सिद्ध रामेश्वरांच्या कृपेने ही यात्रा प्रतिवर्षीप्रमाणे निर्भिन्न पार पडेल, असा विश्वास चेअरमन धर्मराज काडादी यांनी व्यक्त केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.