सिंहगड रस्ता : हिंगणे खुर्द येथील तेरा वर्षाच्या शाळकरी मुलीने गळफास घेऊन आत्महत्या केल्याची घटना घडली आहे.
ही घटना २ मार्च रोजी सायंकाळी चारच्या सुमारास घडली. पोलिसांनी दिलेल्या माहितीनुसार, ही मुलगी इयत्ता सहावीच्या वर्गात शिकत होती. तिने राहत्या घरी हॉलमध्ये छताला असणाऱ्या पंख्याला ओढणीच्या साहाय्याने गळफास घेऊन आत्महत्या केली आहे. घटनेची माहिती समजताच सिंहगड रस्ता पोलिसांनी ताबडतोब घटनास्थळी जाऊन त्या मुलीला बेशुद्ध अवस्थेत उपचारासाठी रुग्णालयात दाखल केले. मात्र, उपचारापूर्वी मृत्यू झाला असल्याचे डॉक्टरांनी सांगितले. सिंहगड रस्ता पोलिस ठाण्यात आकस्मित मृत्यूची नोंद करण्यात आली आहे. पुढील तपास पोलिस हवालदार सुरेश शिंदे हे करीत आहे.