वाघोली, ता. १८ ः खासगी ट्रॅव्हल बसची दुचाकीला धडक बसल्याने दुचाकीवरील पोलिस कर्मचारी जखमी झाल्याची घटना पेरणे फाटा येथील श्री हॉस्पिटलसमोर घडली. अपघातानंतर बसचालक पळून जात होता. मात्र कोरेगाव भीमा येथे त्याला पकडले. प्रफुल्ल कल्याण सुतार (रा. पेरणेफाटा) असे अपघातात जखमी झालेल्या पोलिस कर्मचाऱ्याचे नाव आहे. ते शिक्रापूर पोलिस ठाण्यात कार्यरत आहेत. त्यांच्यावर खासगी रुग्णालयात उपचार सुरू आहेत. याप्रकरणी जयेश काकडे (रा. पेरणेफाटा) यांनी फिर्याद दिली. एसबीएस कंपनीच्या ट्रॅव्हल बसवरील चालक कोंडबा दुधाजी कदम (रा. हिंगोली) याच्यावर लोणीकंद पोलिस ठाण्यात गुन्हा दाखल करण्यात आला आहे.