मार्केट यार्ड, ता. २८ : दि पूना गुजराती केळवणी मंडळाची नियतकालिक निवडणूक शताब्दी महोत्सवात बिनविरोध झाल्याची माहिती संस्थेचे चेअरमन डॉ. राजेश शहा यांनी दिली. २०२५-२०२८ या तीन वर्षांच्या कालावधीसाठी संस्थेचे प्रमुख म्हणून नितीन देसाई, तर किरीट शहा आणि राजेंद्र शहा हे विश्वस्त म्हणून निवडून आले.
२०२५-२०३१ या सहा वर्षांच्या कालावधीसाठी संस्थेचे कार्यकारिणी सभासद म्हणून जनक शहा, हेमंत मणियार, विनोद देडिया, दिलीप जगड, मोहन गुजराती, ब्रजेश शहा, नीलेश शहा, किरण शहा, दीपेन शहा व निकुंज शहा हे दहा सभासद बिनविरोध निवडून आले.
प्रवासात आर.सी.एम. गुजराती प्रशाला, हरिभाई व्ही. देसाई महाविद्यालय आणि पीजीकेएम स्कूल अशी तीन शैक्षणिक केंद्रे उभारली आहेत. प्रगत तंत्रज्ञानाच्या युगात विद्यार्थ्यांना उज्ज्वल भवितव्याच्या संधी उपलब्ध व्हाव्यात आणि ते बदलत्या डिजिटल जगात स्पर्धाशील बनावेत, यासाठी मंडळाच्या हरिभाई व्ही. देसाई महाविद्यालयाने २०२५ पासून बी.एस्सी. सायबर सुरक्षा हा नवा अभ्यासक्रम सुरू केला आहे. मंडळाच्या वतीने स्पर्धा परीक्षा मार्गदर्शन केंद्राचीदेखील स्थापना केली आहे. मंडळामार्फत चालविल्या जाणाऱ्या सर्व संस्थांमध्ये मिळून सुमारे दहा हजार विद्यार्थी शिक्षण घेत आहेत.