पुणे : शहरात संचारबंदी सुरु असल्याने खासगी व सार्वजनिक वाहतूक व्यवस्था ठप्प झाली. खासगी वाहनाना पेट्रोल बंद झाले, हॉटेल बंद झाले. त्यामुळे बाहेर गावी जाणाऱ्या प्रवासी, मालवाहू वाहनाचे चालक, क्लीनर व भिक्षेकरी यांचेही जेवणाचे हाल होऊ लागले. अन्नासाठी दाही दिशा फिराव्या लागत आहेत.

- बातम्या ऐकण्यासाठी डाऊनलोड करा ई-सकाळचे ऍप

अशातच खाकी वर्दीमध्ये दडलेला "माणूस" जागा झाला आणि त्या भुकेल्याला पीठलं-भाकरी देऊन त्यांचा आत्मा तृप्त करु लागला, पदरमोड करुन दररोज 50-100 लोकांना अन्नदानाचे काम करीत आहेत, हडपसर वाहतूक विभागाचे पोलिस अधिकारी-कर्मचारी!

संचारबंदीचे उल्लंघन करणाऱ्या, विनाकारण शहरात फिरणार्याना पोलिसांनी लाठीमार करीत माघारी पिटाळल्याचे सिंहगड रस्ता परीसरातील व शहरातील अन्य ठिकाणचे व्हिडिओ आपण पाहिलेच आहेत. त्यावरुन पोलिसांमधील संवेदनशीलतेवर पुन्हा एकदा प्रश्न चिन्ह उपस्तस्थित करण्यात आले. एकिकडे पोलिसांची अशी बाजू दिसत असतानाच दुसरीकडे पोलिसांच्या खाकी वर्दीमध्ये दडलेला माणुसकीचेही आता दर्शन होऊ लागले आहे. 

- निराधारांना वाली कोण? दहशतीच्या छायेत काढत आहेत दिवस-रात्र!

सोलापूर, नगर व अन्य राज्यमध्ये जाणाऱ्या वाहनाना हडपसर येथून जावे लागते. मात्र संचारबंदीमुळे सार्वजनिक, खासगी वाहतूक बंद झाली. सामान्य नागरीकांसाठी पेट्रोल बंद झाले. त्याचबरोबर होटेल्स, चहा, भजीपाव, वडापावचे स्टॉल्स, हातगाड्याही बंद झाल्या. त्यातच वाहतूक थांबविल्याने अनेक मालवाहु गाड्याचे, खासगी गाड्याचे चालक, प्रवासी यांची मोठ्या प्रमाणात तारांबळ होऊ लागली. त्यांच्यासह निराधार, भिक्षेकरी यांची अन्नासाठी अक्षरश: आबाळ होऊ लागली. ही परिस्थिती हडपसर वाहतुक विभागचे पोलिस निरीक्षक जितेंद्र कोली यांनी पाहिली. त्यानंतर त्यानी वाहतूक विभागामध्ये काम करणाऱ्या आपल्या पोलिस अधिकारी व कर्मचारी यांना या लोकाना जेवण देण्याची संकल्पना मांडली. त्यांनी ही सकारात्मक प्रतिसाद दिला. 

- Coronavirus : कोरोनामुळं जगभरात लॉकडाऊन, पण पाकिस्तानात का नाही?

सध्या हडपसर वाहतुक विभागाकडुन दररोज 50 ते 100 जणाना विनामूल्य जेवण दिले जात आहे. पिठल-भाकरी, भात व पाणी असा आहार दिला जातो. याविषयी सहायक पोलिस निरीक्षक गजानन भोसले म्हणाले, "संचारबंदी सुरु असल्याने हॉटेल्स, खाद्य पदार्थचे स्टॉल्स, दुकाने बंद आहेत. त्यामुळे गरीब नागरिक, भिक्षेकरी, प्रवासी, वाहनाचे चालक यांची जेवणाची हाल होऊ लागले. त्यामुळे आम्ही त्यांना खानावळीतून जेवण आणून देतो. दररोज 50-100 जण जेवतात. त्यासाठी जास्त पैसे लागत नाहीत, आम्ही पदरमोड करुन करतो, मात्र त्यामुळे आम्हाला मनापासून समाधान मिळते."

बिबवेवाडी येथील एका कुटुंबाने नियंत्रण कक्षाला संपर्क करुन हाताला काम नसल्याने उपासमार होत असल्याचे सांगितले. त्यानुसार बिबवेवाडी पोलिस ठान्याच्या सहायक पोलिस निरीक्षक अमृत पाटील व त्यांच्या सहकाऱ्यांनी कुटुंबाची भेट घेऊन त्यांना तांदूळ, साखर, बटाटा, तेल, दूध व भाजीपाला अशा जीवनावश्यक वस्तू खरेदी करुन दिल्या.

- धक्कादायक ! ३६ वर्षीय तमिळ अभिनेत्याचे कोरोनामुळे निधन

दत्तवाडी पोलिस ठाण्याचे पोलिस अधिकारी व कर्मचारी आपल्या हद्दीत संचारबंदीच्या बंदोबस्ताचे काम करीत आहेत. त्यामुळे पोलिसांचा अनेक नागरीकाची भेट होते. पोलिसांना व अत्यावश्यक कारणासाठी घराबाहेर पडणाऱ्या नागरिकांना कोरोनाचा प्रादुर्भाव होऊ नये, यासाठी पोलिस निरीक्षक देवीदास घेवारे यांनी सॅनीटायझर, मास्क उपलब्ध करुन दिले आहेत.