लोणावळा : पुणे-मुंबई द्रुतगती मार्गावर बोरघाटात जुन्या अमृतांजन पुलाजवळ रविवारी पहाटे ट्रेलरला लागलेल्या आगीत केबिन जळून खाक झाले. सुदैवाने या अपघातात कसलीही जिवीतहानी झाली नाही.
महामार्ग पोलिसांनी दिलेल्या माहितीनुसार, रविवारी पहाटे सहा वाजण्याच्या सुमारास बोरघाटात मुंबईहून पुण्याच्या दिशेने येत असलेल्या ट्रेलरच्या (क्र. सीजी-13-डी-7525) च्या इंजिनातून धुर येऊ लागल्याने ट्रेलर चालकाने ट्रेलर प्रसंगावधान राखत रस्त्याच्या बाजूला घेतला. मात्र दरम्यान केबिनने पेट घेतला. बघता बघता आगीने उग्र रुप धारण करत ट्रेलरचे केबिन जळून खाक झाले.
घटनेची माहिती मिळताच आयआरबी कंपनीचे कर्मचारी, देवदूत पथक, आयआरबी पेट्रोलिंग टीम, बोरघाट महामार्ग पोलिस तातडीने घटनास्थळी दाखल झाले. द्रुतगती मार्गावर पहाटे वाहनांची फारशी वर्दळ नसल्याने घटनेदरम्यान वाहतुकीची कोंडी झाली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.