पुणे : बँके डेटा चोरीमध्ये सायबर गुन्हे शाखेच्या पथकाने हैदराबादमधून आणखी दोघांना अटक केली. बँक खात्यासंबंधीची माहिती काढून इतर आरोपींनी देण्याचे काम या आरोपींनी केले आहे. लक्ष्मीनारायण गुट्टू ऊर्फ सोन्या (वय ३२) आणि व्यंकटेश सुब्रम्हण्यम उपाला (वय ४०) अशी अटक आरोपींची नावे आहेत. सोन्या याने राजशेखर ममीडी (वय ३४, रा.हैदराबाद) याच्या व्हाटसअपवर दोन बॅंक खात्याची माहिती पाठवली. त्यातील एका खात्यात २५ कोटी ७७ लाख ७८ हजार रुपये तर दुसऱ्या खात्यात तीन कोटी पाच लाख ६० हजार रुपये शिल्लक असल्याचे स्पष्ट झाले आहे. दरम्यान, या प्रकरणी एकूण १४ आरोपी अटक करण्यात आली आहे. त्यांना न्यायालयात हजार केले असता सर्व आरोपींना २२ मार्चपर्यंत पोलिस कोठडीत ठेवण्याचे आदेश न्यायालयाने दिला आहे.

आरोपींनी खात्यांची माहिती कशाप्रकारे जमा केली. त्यांना संबंधित बॅंकेतील अन्य कर्मचाऱ्यांनी मदत केली का, याबाबत पोलिस तपास करत आहेत. अनघा मोडक हिच्या मोबार्इलचे एक्सट्रॅक्शन केले असता त्यातील संभाषणात सर्व आरोपींचा उल्लेख व त्यांच्याशी बोलणे झाल्याचे आढळून आले आहे. त्याप्रमाणे सविस्तर स्क्रीप तयार करण्यात केले आहे. आरोपी रोहन मंकणी, अनघा मोडक, राजेश शर्मा व परमजित संधू हे १० ते १२ मार्च दरम्यान पुण्यातील नवी पेठेतील एका हॉटेलमध्ये एकत्र आले होते. तेथे त्यांनी बराचवेळ थांबून चर्चा केल्याचे तपासात निष्पन्न झाले आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

स्टॉक ब्रोकर म्हणून काम करत असलेल्या अनघा हिच्या घराची आणि कार्यालयाची तपासणी करीत सात हार्डडिस्क व एक टॅब जप्त करण्यात आला आहे. गुन्ह्याच्या अनुषंगाने संबंधित टॅपचा वापर करण्यात आला आहे का? याबाबत तपास करण्यात येत आहे. लातूर येथील आरोपी रवींद्र माशाळकर याच्या घरातून एक लॅपटॉप जप्त करण्यात आला असून त्याद्वारे काही आनलार्इन व्यवहार झाले आहेत. डॉरमंट खात्याचा गोपनीय डेटा बाबत आरोपींकडे पोलिसांनी विचारपूस केली असता, ते उडवाउडवीची उत्तरे देत असून पोलिस तपासात सहकार्य करत नाही, असे पोलिसांनी न्यायालयात सांगितले. आरोपींच्या वतीने न्यायालयात ॲड. जितेंद्र गोराणे, ॲड. ऋषिकेश गानू, ॲड. एस. अगरवाल यांनी युक्तिवाद केला.

पुणे : कोरोना विषाणूचं वर्तन बदलतंय?; एकाच कुटुंबातील अनेक व्यक्तींना होतेय लागण

२०९ कोटी रुपये असलेले खाते होते टार्गेट : या गुन्ह्यात आयसीआयसीआय बॅंकेचे एक व एचडीएफसी बॅंकेच्या तीन खात्यांबाबतची माहिती संबंधित बॅंकेने पोलिसांनी दिली आहे. त्या खात्यांत २०९ कोटी रुपये असल्याची माहिती प्राप्त झाली आहे. या खात्यातील पैसे आरोपी कोणत्याप्रकारे हॅक करून अन्य कोणत्या खात्यावर कशाप्रकारे ट्रान्स्फर करणार होते याबाबत तपास करायचा असल्याचे सरकारी वकील ज्ञानेश्‍वर मोरे यांनी न्यायालयात सांगितले.

(संपादन : सागर डी. शेलार)