पुणे : शहर पोलिस दलातील दोन सहाय्यक पोलिस उपनिरीक्षकांचा कोरोनाचा संसर्ग झाल्याने मृत्यू झाला. त्यापैकी एक अधिकारी नुकतेच सेवानिवृत्त झाले होते. एकाच दिवशी दोन पोलिस अधिकाऱ्यांचा मृत्यू झाल्याने पोलिसांच्याही आरोग्याचा प्रश्न आता ऐरणीवर आला आहे.
विलास सरवदे (वय 55) यांचे कोरोनाने निधन झाले आहे. ते चतु:शृंगी पोलिस ठाण्यात सहायक पोलिस उपनिरीक्षक या पदावर कार्यरत होते. सरवदे यांना मागील महिन्यात कोरोनाचा संसर्ग झाला होता. त्यानंतर त्यांना पुढील उपचारांसाठी कमांड रुग्णालयामध्ये दाखल करण्यात आले होते. तेथे त्यांची प्रकृती खालावल्याने त्यांना व्हेंटीलेटरवर ठेवण्यात आले होते. उपचार सुरू असतानाच गुरुवारी (ता.24) सकाळी त्यांचे निधन झाले.
सहायक पोलिस उपनिरीक्षक संतोष जगन्नाथ गायकवाड (वय 58) हे शिवाजी नगर येथील पोलिस मुख्यालयामध्ये नेमणुकीस होते. त्यांना कोरोनाचा संसर्ग झाल्यानंतर उपचारांसाठी केईएम रुग्णालयात दाखल करण्यात आले होते. त्यांच्यावर उपचार सुरू असतानाच हृदयविकाराच्या धक्क्याने त्यांचा मृत्यू झाला. गायकवाड हे 31 ऑगस्टला शहर पोलिस दलातून निवृत्त झाले होते, त्यापूर्वीच त्यांचा कोरोना चाचणीचा अहवाल पॉझिटिव्ह आला होता. सरवदे आणि गायकवाड यांच्यासह शहर पोलिस दलातील आत्तापर्यंत आठ जणांचा कोरोनामुळे मृत्यू झाला आहे.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.