पुणे - पुणे कॅन्टोन्मेंट बोर्डच्या सरदार वल्लभभाई पटेल रुग्णालयाला राज्य सरकारने दोन कोटी 26 लाख रुपयांची मदत केली आहे. कोविड 19 च्या रुग्णांसाठी लागणाऱ्या अतिदक्षता विभाग (आयसीयू) उभारण्यासाठी तसेच या विभागामध्ये दहा बेड्‌स व दहा व्हेंटिलेटर्स या वैद्यकीय सुविधांना रुग्णालयात उपलब्ध करण्यासाठी ही मदत करण्यात आली आहे.
यावेळी रुग्णालय प्रशासनास हा निधी जिल्हाधिकारी नवल किशोर राम यांनी सुपूर्त केला. रुग्णालयातील या सुविधेमुळे लष्करी परिसरात कोरोनाबधित रुग्ण आढळल्यास त्याच्यावर त्वरित उपचार करणे सोपे होणार असल्याचे रुग्णालयाचे निवासी वैद्यकीय अधिकारी डॉ. विद्याधर गायकवाड यांनी सांगितले.
तसेच या रुग्णालयात 50 बेड्‌स असलेला विलगीकरण कक्ष पूर्वीच तयार करण्यात आला आहे. गरज पडल्यास बेड्‌सची संख्या 120 पर्यंत वाढवली जाऊ शकते. परंतु या परिसरात कोरोनाची प्राथमिक लक्षणे आढळल्यास त्या व्यक्तीवर तातडीने उपचार करण्यासाठी रुग्णालयात आयसीयूची मोठी गरज आहे. यासाठी बोर्डाचे अध्यक्ष ब्रिगेडियर कुलजीत सिंह, मुख्य कार्यकारी अधिकारी अमित कुमार आणि रुग्णालय प्रशासनातर्फे विभागीय आयुक्त व जिल्हाधिकारी कार्यालय स्तरावर पाठपुरावा सुरू होता. तसेच याला सकारात्मक प्रतिसाद देत जिल्हाधिकारी नवल किशोर राम यांनी कोरोना विषाणूच्या प्रादुर्भावला रोखण्यासाठी राज्य सरकारकडून मिळालेल्या निधीतून सुमारे सव्वा दोन कोटी रुपयांचा निधी रुग्णालयाला उपलब्ध करून दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.