पुणे : ‘पेटीएम’ अ‍ॅप अद्ययावत करण्याचा बहाणा करुन एका वृद्ध नागरिकाला अनोळखी लोकांनी ऑनलाइन माध्यमातून २ लाख रूपयांना गंडा घातला. याप्रकरणी बिबवेवाडी पोलीस ठाण्यात गुन्हा दाखल करण्यात आला आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

पोलिसांनी दिलेल्या माहितीनुसार, बिबवेवाडी परीसरात एक वृद्ध नागरीक राहतात. दोन महिन्यांपूर्वी त्यांच्या मोबाइलवर अनोळखी व्यक्तीने ‘पेटीएम अ‍ॅप अद्यायावत करायचे आहे. अद्यायावत न केल्यास पेटीएम अ‍ॅप बंद पडेल, ’ अशा स्वरुपाचा मेसेज पाठविला. त्यामुळे वृद्धाने त्या मोबाइल क्रमांकावर संपर्क साधला. चोरट्याने केलेल्या बतावणीवर विश्वास ठेऊन त्यांनी बँक खात्याची गोपनीय माहिती दिली. चोरट्याने त्यांना क्विक सपोर्ट अ‍ॅप डाऊनलोड करण्यास सांगितले. त्यानंतर ज्येष्ठ नागरिकाच्या खात्यातून वेळोवेळी १ लाख ९६ हजार ३९३ रुपये चोरट्याने लांबविले. फसवणूक झाल्याचे निदर्शनास आल्यानंतर त्यांनी तक्रार दिली. पोलीस निरीक्षक मुरलीधर खोकले (गुन्हे) या प्रकरणाचा तपास करत आहेत.दरम्यान, शहरात गेल्या पंधरवड्यापासून ऑनलाइन फसवणुकीच्या घटनांमध्ये वाढ झाली आहे.

लोहगावातील 'त्या' दुकानाची तपासणी करण्यात आली कारण....

तीन महिन्यांपूर्वी पेटीएम अ‍ॅप अद्यायावत करण्याची बतावणी करणारे मेसेज अनेकांना आले होते. त्यावेळी सायबर गुन्हे शाखेने चोरट्यांच्या बतावणीवर विश्वास ठेवू नका तसेच त्यांना प्रतिसाद देऊ नका, असे आवाहन केले होते.

जुन्नरची सुरु होती कोरोनामुक्तीकडे वाटचाल पण...