पुणे : कसबा पेठेतील इलेक्ट्रिक वस्तु विक्रीच्या दुकानामध्ये चोरी करुन गुजरातमध्ये पळून गेलेल्या आणखी दोन आरोपीना फरासखाना पोलिसांनी बेडया ठोकल्या. त्यांनी चोरलेला तब्बल साडे तीन लाख रूपयांच्या इलेक्ट्रिक वायर व अन्य वस्तु पोलिसांनी जप्त केल्या.

ताज्या बातम्यांसाठी डाऊनलोड करा ई-सकाळचे ऍप  

किरणकुमार सरेमलजी शहा (वय ४२, रा. भोसरी) व महावीर नाथालाल जैन (वय ३४, रा. सॅलसबरी पार्क, मार्केटयार्ड दोघेही मुळ रा. पालनपूर, गुजरात) अशी अटक केलेल्या संशयित आरोपींची नावे आहेत. 

कसबा पेठ परिसरातून काही दिवसांपूर्वी इलेक्ट्रिक वस्तुच्या दुकानामध्ये चोरीचा प्रकार घडला होता. तेथून लाखो रूपयांच्या इलेक्ट्रिक वायर व अन्य वस्तु चोरीस गेल्या होत्या. याप्रकरणी फरासखाना पोलिस ठाण्यात गुन्हा दाखल आहे. दरम्यान, फरासखाना पोलिसांच्या तपास पथकाने सीसीटिव्ही चित्रीकरणाद्वारे चोरटयाचे वाहन क्रमांक मिळवुन दोन आरोपींना अटक केली होती. तर याच गुन्हयांतील आणखी दोन आरोपी पोलिसांना गुंगारा देत होते. त्यांच्याकडे चोरीचा माल ठेवला होता. 

पुण्याच्या बातम्या वाचण्यासाठी येथे ► क्लिक करा

कोरोनाच्या पार्श्वभुमीवर लॉकडाऊन झाल्याने पोलिस बंदोबस्तांत गुंतलेले होते. त्यानंतरही पोलिसांनी या प्रकरणाचा तपास सुरू ठेवला होता. दरम्यान त्यातील एक आरोपी हा कात्रज परिसरात राहत असल्याची खबर फरासखाना पोलिसांना मिळाली. त्यानुसार वरिष्ठ पोलीस निरीक्षक जगन्नाथ कळसकर यांच्या मार्गदर्शनाखाली पथकातील कर्मचारी बापू खूटवड, अमोल सरडे, सयाजी चव्हाण, दिनेश भांदुर्गे, आकाश वाल्मिकी, अमेय रसाळ, गणेश ढगे, मुयुर भोकरे, मोहन दळवी यांच्या  पथकाने कात्रजमधील बालाजीनगर येथून शुक्रवारी किरणकुमार शहा यास ताब्यात घेतले.  त्याच्याकडे चौकशी केल्यानंतर चौथा आरोपी महावीर जैनलाही पोलिसांनी बेडया ठोकल्या. त्यांच्याकडुन पकडले चोरीचा ३ लाख ५४ हजारांचा वायरिंगचा माल जप्त केला आहे. तर आत्तापर्यंत साडेचार लाख रूपयांचा माल पोलिसांनी जप्त केला.

बॅकलाॅगच्या विद्यार्थ्यांना तात्पुरता दिलासा ; पुढच्या वर्गात प्रवेश मिळाला पण...