पुणे - कोरोना विषाणूंच्या संसर्गाची शक्यता असलेल्या दोन संशयित व्यक्तींना येथील डॉ. नायडू रुग्णालयातील विलगीकरण कक्षात ठेवले आहे, अशी माहिती राज्याच्या आरोग्य खात्याने दिली.
चीनसह काही देशांमध्ये कोरोना विषाणूंचा उद्रेक झाला आहे. अशा बाधित देशांमधून मुंबई आंतरराष्ट्रीय विमानतळावर उतरलेल्या २५ हजार ७८२ प्रवाशांची आरोग्य तपासणी करण्यात आली असून, प्रवाशांचे क्षेत्रीय सर्वेक्षणही सुरू आहे. कोरोना बाधित देशांमधून राज्यात आतापर्यंत १६७ प्रवासी आले आहेत.
ताप, सर्दी, खोकला अशी लक्षणे आढळणाऱ्या प्रवाशांना राज्याच्या वेगवेगळ्या शहरांमधील रुग्णालयांच्या विलगीकरण कक्षात दाखल करण्यात येत आहे. आतापर्यंत ३९ जणांना अशा प्रकारे दाखल केले आहे. यापैकी ३७ जणांचे कोरोनाची प्रयोगशाळेतील चाचणी ‘निगेटिव्ह’ असल्याचा निर्वाळा पुण्यातील राष्ट्रीय विषाणूविज्ञान संस्थेने (एनआयव्ही) आरोग्य खात्याला दिली. उर्वरित दोघांच्या वैद्यकीय चाचण्यांचे अहवाल दोन दिवसांमध्ये येतील, असेही सांगण्यात आले.
राज्यातील वेगवेगळ्या रुग्णालयांच्या विलगीकरण कक्षात दाखल केलेल्या ३९ पैकी ३६ जणांना घरी सोडण्यात आले आहे. सध्या रुग्णालयात दाखल असलेल्या तीनपैकी दोन जण डॉ. नायडू रुग्णालयात तर, एक जण मुंबईतील कस्तुरबा रुग्णालयामध्ये आहे.
कोरोनाबाबत पुण्यातील स्थिती...
विलगीकरण कक्षात दाखल रुग्ण - १५
‘एनआयव्ही’ला पाठविलेले नमुने - १५
‘निगेटिव्ह’ आलेले नमुने - १४
विलगीकरण कक्षात दाखल व्यक्ती - २
सर्वेक्षणाखाली असलेले प्रवासी - ८१
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.