मंचर : पुणे-नाशिक राष्ट्रीय महामार्गावर मंचर जवळ अवसरी फाटा (ता. आंबेगाव) येथे मंगळवारी (ता. १७) सकाळी मोटरसायकल व डंपर यांची समोरासमोर धडक झाली. त्याच वेळी आलेल्या एसटी गाडीच्या चाकाखाली गेल्यामुळे मोटरसायकल वरील दोघे तरुण जागीच ठार झाले.

ताज्या बातम्यांसाठी डाऊनलोड करा ई-सकाळचे ऍप

संकेत आनंदराव भोईटे (वय23) व ओंकार भीमराव भोईटे (वय20, दोघे रा. आरडगाव ता. फलटण, जि. सातारा) अशी मृत्युमुखी पडलेल्यांची नावे आहेत.

मंत्रिमंडळ विस्ताराचा मुहूर्त ठरला; 'या' तारखेला होणार 18 जणांचा शपथविधी 

संकेत भोईटे वओंकार भोईटे मोटर सायकल (एम एच 14 एफ ए 5734) वरून मंचर च्या दिशेला जात होते. त्यावेळी विरुद्ध दिशेने आलेला डंपर (एम एच 12 आर एन 7169) व मोटरसायकल यांची समोरासमोर धडक झाली. त्यावेळी मंचरच्या बाजूने नाशिक मलकापूर एसटी गाडी (एम एच 11 टी  9286) आली होती.

राहुल-सावरकर-रेप इन इंडिया, काय आहे यामागचे सत्य?

दोघे मोटरसायकलवरून उडून एसटी गाडीच्या चाकाखाली गेले. त्यामध्ये संकेत भोईटे चा जागेवर मृत्यू झाला. तर ओंकार भोईटे ला जखमी अवस्थेत मंचरला नेत असताना त्याचा रस्त्यातच मृत्यू झाला. मंचर पोलिसांनी घटनास्थळी भेट दिली असून दोन्ही भोईटे यांचे शवविच्छेदन करण्यासाठी मंचर उपजिल्हा रुग्णालयात प्रक्रिया सुरू झाली आहे.