बालेवाडी (पुणे) : बाणेर येथील डी मार्टजवळ दुचाकी अपघातात म्हाळुंगे येथे राहणाऱ्या दोन तरुणांचा जागीच मृत्यू झाला. हा अपघात (ता.8) मध्यरात्री दीडच्या दरम्यान झाला. सध्या स्मार्ट सिटीकडून बाणेर रस्ता येथील रस्त्याच्या दोन्ही बाजूला पदपथाच्या विकसनाचे काम सुरू आहे, त्यासाठी रस्त्याच्या बाजूला खोदकाम केलेल्या साडेतीन ते चार फूट खड्ड्यामध्ये या मुलांची दुचाकी जाऊन अपघात झाला. अपघातांमध्ये ही दोन्ही मुले जागीच ठार झाली.                          

- महिलेशी असभ्य वर्तन प्रकरणी माने यांची चौकशी करणार; सामंत यांनी दिले आश्वासन

बाणेर येथील सदानंद चौकाजवळील डी मार्ट आणि वेस्टसाइड या शॉपिंग मॉलजवळ रविवारी (ता.8) पहाटे दीडच्या दरम्यान कावासाकी स्पोर्ट बाईक अपघातांमध्ये तेजस शर्मा (वय 26, मूळगाव जयपूर) आणि देवाशिष सक्सेना (वय 24, मूळगाव भोपाळ) यांचा जागीच मृत्यू झाला. हे दोघेही सध्या म्हाळुंगे येथील एका सोसायटीमध्ये राहत होते. साधारण दीड वर्षांपासून हे दोघेही कामानिमित्त पुण्यात राहत होते. बाणेर रस्ता येथे स्मार्ट सिटीकडून रस्त्याच्या दोन्ही बाजूला पदपथ  विकसनाचे काम सुरू असल्याने दोन्ही बाजूला रस्ता खोदला आहे. पहाटे दीडच्या दरम्यान हे दोघे पुणे विद्यापीठकडून मुंबई-बेंगलोर महामार्गाकडे जात असताना हा अपघात झाला. अपघाताच्या वेळी त्यांची दुचाकी साडेतीन ते चार फूट खड्ड्यात जाऊन पडली. त्यामुळे ते दोघेही गंभीर जखमी झाले होते.

- Video : बापरे! केवढी ही गर्दी; दिवाळीच्या खरेदीसाठी पुण्यात गर्दी उसळली

या अपघाताची माहिती रात्रपाळीला असणाऱ्या पोलिस मार्शलकडून मिळताच, चतुःश्रुंगी पोलिस ठाण्याचे पोलिस निरीक्षक विजयकुमार लांबतुरे आणि त्यांचे इतर सहाय्यक कर्मचारी घटनास्थळी हजर झाले. त्यांनी जखमींना औंध रुग्णालयात दाखल केले. डॉक्टरांनी तपासणी करून ही दोन्ही मुले मृत झाल्याचे घोषित केले. हा अपघात नेमका कसा झाला हे मात्र समजू शकले नाही. पुढील तपास चतुःश्रुंगी पोलिस स्टेशन ते सहाय्यक पोलीस निरीक्षक राजेश माळेगावे करीत आहेत.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)