पुणे

विद्यापीठांच्या स्तरावर जनता दरबार घेणार;उच्च व तंत्र शिक्षणमंत्री उदय सामंत यांचा निर्णय 

सकाळवृत्तसेवा

पुणे - विद्यापीठ, महाविद्यालये, प्राध्यापक, विद्यार्थी यांच्यासह इतरांच्या अनेक समस्या आहेत. त्यातील प्रत्येकाला मुंबईत मंत्रालयात येऊन कामे करून घेता येतातच असे नाही. यासाठी राज्यातील विद्यापीठांच्या स्तरावर जनता दरबार घेण्याचा निर्णय उच्च व तंत्र शिक्षण मंत्री उदय सामंत यांनी घेतला आहे. 

पहिला जनता दरबार सोमवारी (ता. २५) कोल्हापूर येथे घेतला जाणार आहे. त्यास ‘उच्च व तंत्र शिक्षण मंत्रालय @ कोल्हापूर असे नाव देण्यात आले आहे. याचपद्धतीने इतर विद्यापीठासाठी नाव असणार आहे. 

तंत्र शिक्षण विभागाचे मुख्य कार्यालय मुंबई येथे आहे, तर उच्च शिक्षण संचालनालय पुण्यामध्ये आहे. राज्यभरातील महाविद्यालये, विद्यापीठातील अधिकारी, कर्मचारी यांना त्यांच्या कामासाठी मुंबई किंवा पुणे गाठावे लागते. विद्यार्थ्यांना देखील त्याचे प्रश्‍न सोडविण्यासाठी या शहरांमध्ये खेटे घालावे लागतात. त्यासाठी उच्च व तंत्र शिक्षण मंत्रालयच राज्यातील अकृषी विद्यापीठांमध्ये नेण्याचा निर्णय घेण्यात आला आहे. 

उदय सामंत म्हणाले, ‘‘या उपक्रमात माझ्यासह उच्च व तंत्र शिक्षण खात्याचे प्रधान सचिव, सचिव, संचालक, सह संचालक, संबंधित विद्यापीठाचे कुलगुरू यासह मंत्रालयातील कक्ष अधिकारी यावेळी उपस्थित असतील. त्यामुळे तक्रारदारांच्या समस्यांचा निपटारा लगेच होऊ शकणार आहे. कोल्हापूरला हा उपक्रम होणार असून, आतापर्यंत बाराशे आॅनलाइन तक्रारी आलेल्या आहेत. याच पद्धतीने इतर विद्यापीठांमध्ये हा उपक्रम घेतला जाणार आहे. पुणे विद्यापीठातील प्रश्‍नांसाठी पुणे आणि नाशिक या दोन ठिकाणी या बैठका घेतल्या जातील. 

प्राचार्य, प्राध्यापक, विद्यार्थी, शिक्षकेत्तर कर्मचाऱ्यांना त्यांचे प्रश्‍न मांडण्यासाठी मुंबईमध्ये यावे लागते. हा त्यांचा त्रास कमी व्हावा, यासाठी प्रत्येक विद्यापीठाच्या स्तरावरच मंत्रालय आणण्यात येणार आहे. सगळे अधिकारी तेथे उपस्थित असल्याने त्यांचे प्रश्‍न सोडविण्यासाठी मदत होणार आहे. 
- उदय सामंत, मंत्री, उच्च व तंत्र शिक्षण विभाग 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

1500 हिंदू मुलींचं धर्मांतर करणारा छांगूर उर्फ पीर बाबा कसा झाला 300 कोटींचा मालक? ATS तपासातून धक्कादायक माहिती उघड

Latest Marathi News Updates : नाशिकमध्ये निरीक्षण गृहतून मुलगी बेपत्ता, सुरक्षा यंत्रणेवर उठले सवाल

Viral Video: लोकांनी ऊर्जामंत्र्यांना विचारले २४ तासांत फक्त ३ तास ​​वीज मिळते... मंत्री म्हणाले जय श्रीराम... व्हिडिओ व्हायरल

Pune Cyber Police : नवीन सायबर ठाण्यांच्या प्रस्तावास मंजुरी द्यावी : आमदार सिद्धार्थ शिरोळे

Tobacco Trade Ban : तंबाखूच्या बेकायदेशी विक्रीवर आणणार प्रतिबंध; ‘वर्ल्ड ॲन्टी काउंटर फिटिंग डे’निमित्त ‘पीएमआय इन इंडिया’चा मनोदय

SCROLL FOR NEXT