पुणे : सोलापूर जिल्ह्याला पाणीपुरवठा करणारे सुमारे 54 टीएमसी उपयुक्त पाणीसाठा क्षमता असलेले उजनी धरण पूर्ण भरले आहे. तर, दुसरीकडे पुणे शहराला पाणीपुरवठा करणाऱ्या खडकवासला प्रकल्पातील सुमारे पावणेतीन टीएमसी क्षमतेचे टेमघर धरण भरण्यास आणखी एक-दोन दिवसांचा कालावधी लागण्याची शक्यता आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

भीमा खोऱ्यातील 26 धरणांपैकी निम्मी 13 धरणे पूर्ण क्षमतेने भरली आहेत. नऊ धरणांमध्ये 90 टक्क्यांहून अधिक पाणीसाठा तर, उर्वरित चार धरणांमध्ये 40 ते 80 टक्के पाणीसाठा झाला आहे. यंदाच्या पावसाळ्यात खडकवासला प्रकल्पातून आजअखेर मुठा नदीत सुमारे दहा टीएमसी पाणी सोडण्यात आले आहे. 

खडकवासला प्रकल्पातील वरसगाव, पानशेत आणि खडकवासला हे तीन धरणे पूर्ण भरली आहेत. टेमघर धरण भरण्याच्या मार्गावर आहे. टेमघर धरणातील पाणीगळती 95 टक्के रोखण्यात आल्याची माहिती जलसंपदा विभागाने दिली आहे. तसेच, गतवर्षीच्या तुलनेत यंदा टेमघर धरणाच्या पाणलोट क्षेत्र कमी पाऊस झाला आहे. पावसाचा जोर ओसरल्यामुळे हे धरण भरण्यास आणखी एक-दोन दिवसांचा कालावधी लागेल, अशी शक्यता आहे.

पुण्यातील गणपती विसर्जन मिरवणुक होणार ढोल-ताशाविना

खडकवासला धरणातून विसर्गात घट :
खडकवासला धरणातून विसर्ग कमी करण्यात आला असून, सध्या 856 क्‍युसेक आणि उजवा मुठा कालव्यातून एक हजार 54 क्‍युसेकने विसर्ग सुरू आहे. 

शंभर टक्के भरलेली धरणे (पाणीसाठा टीएमसीमध्ये) :

उजनी 53.57  
भाटघर 23.50
मुळशी 18.46
वरसगाव 12.82  
नीरा देवघर 11.73
पानशेत 10.65    
वीर 9.41
चासकमान 7.57
गुंजवणी 3.69
आंद्रा 2.92
खडकवासला 1.97 
कळमोडी 1.51 
नाझरे 0.59

Anant chaturthi 2020 : मानाच्या पाच गणपतींचे तीन तासांत विसर्जन 

अन्य धरणांतील पाणीसाठा टीएमसीमध्ये (कंसात टक्केवारी) : 
पवना 8.39 (98.62)
टेमघर 3.48   (93.73)
भामा आसखेड 6.99   (91.14)
डिंभे 12.16   (97.35)